Тус танхимын Ерөнхийлөгч Б.Мөнхтуг, Удирдах зөвлөлийн гишүүн Г.Энхтөгс нар Япон улсын Токио хотод Японы Олон улсын хамтын ажиллагааны байгууллага(JICA, ЖАЙКА)-ын Хувийн хэвшлийн хамтын ажиллагаа, бизнесийн хэлтсийн ЖДҮ/SDGs Бизнесийг дэмжих тасагтай 2023 оны 3-р сарын 15-нд уулзалт хийж, Японы жижиг, дунд бизнесийнхэн тус байгууллагаар дамжуулан хэрхэн Монгол улсад бизнесээ хөгжүүлэх, тэлэх боломж байгаа тухай ярилцаж, энэ тал дээр тус танхимтай хэрхэн хамтарч болох тухай санал солилцлоо.
Тухайн уулзалтад Монгол улсад бизнесийн боломж хайж, ЖАЙКА байгууллагатай хамтран бизнесийн судалгаа хийхээр анх удаа явах гэж байгаа компанийн төлөөлөлтэй уулзаж, Монголын бизнесийн орчны талаар ярилцлаа.
Цаашид Япон улсын аж ахуй нэгжүүд Монгол улсад бизнес эрхлэх боломжийн тухайд ЖАЙКА болон бусад байгууллагуудтай хамтран ажиллах чиглэлийг баримтлан ажиллахаар боллоо.