“Говь” ХК-ийн нийт хамт олонд болон ноолууран бүтээгдэхүүнийг бий болгоход оролцдог Монгол улсын нийт малчид, түүхий эд нийлүүлэгчдэд нь дэлхийн зах зээлийн олон шатлалт худалдааны шалгуурыг хангаж, албан ёсооор “Дэлхийн номер нэг ноолууран пальто үйлдвэрлэгч компани” болсонд халуун баяр хүргэе.
Монгол ноолуурын чанар, түүгээр үйлдвэрлэсэн бүтээгдэхүүнийг Европ болон Хойд Америкийн зах зээлд таниулж, хэрэглэгчдийн таашаалд нийцүүлж, бүтээгдэхүүн хөгжүүлэлтийг тасралтгүй хийж ирсэн Монгол бүтээгдэхүүнээ дэлхийн брэнд болгож, эх орныхоо нэрийг таниулж яваад баярлалаа.
Энэхүү худалдааны эрх нь тус компанийн хувьд Хойд Америкийн зах зээлд илүү нэвтрэх боломжийг олгож байгаа бөгөөд цаашид www.gobicashmere.com онлайн худалдааны суваг болон ирэх жилүүдэд дэлхий даяар 60 салбар дэлгүүрээ нээж, олон мянган ажлын байр шинээр бий болгох бизнесийн ажил үйлст нь өндөр амжилт хүсье.
