НЭГДҮГЭЭР БҮЛЭГ
Нэг. Нийтлэг үндэслэл
- “Монгол дахь Японы худалдааны танхим” төрийн бус байгууллага (цаашид “танхим” гэх) нь Монгол-Япон хоёр орны хооронд бизнес эрхлэгч аливаа аж ахуй нэгжийг дэмжих, хамтын ажиллагаа хөгжүүлэх, Япон улсын хөрөнгө оруулалттай аж ахуй нэгжүүдийг Монгол улсын Засгийн газар болон бусад холбогдох байгууллагуудтай хамтран ажиллахад нь дэмжлэг үзүүлэх, хөрөнгө оруулалтын боломжийг нэмэгдүүлэх, Монголоос Японруу чиглэсэн экспортын боломжийг нэмэгдүүлэх, гишүүн компаниудын хүний нөөцийн хөгжлийг дэмжих зорилготой гишүүддээ үйлчилдэг төрийн бус байгууллага мөн.
- Танхимын оноосон нэр
- Монгол хэлээр: “Монгол дахь Японы Худалдааны Танхим” ;
- Япон хэлээр: 在モンゴル日本商工会
- Англи хэлээр: “Japan-Mongolian Chamber of Commerce”
- Товчилсон нэр: Japan Chamber
- Танхим нь өөрийн тамга тэмдэг, банкинд харилцах данстай байна.
- Танхим нь өөрийн бэлгэ тэмдэг(лого), туг, албан хэргийн хэвлэмэл хуудастай байна.
- Танхим нь Монгол Улс, Улаанбаатар хот, ХУД, 18 дугаар хороо,Их Монгол улсын гудамж Хүннү-2222, 116-801). УЗ-ийн шийдвэрээр байгууллагын хаягийг өөрчилж болно.
- Танхим нь ашгийн төлөөх бус, гишүүддээ үйлчилдэг төрийн бус байгууллага бөгөөд үйл ажиллагаа явуулахдаа Монгол Улсын Үндсэн хууль, Төрийн бус байгууллагын тухай хууль, бусад холбогдох хууль тогтоомж болоод бүх гишүүдийн хурлаас баталсан байгууллагын дүрэм, дотоод журмыг дагаж мөрдөнө.
- Танхим нь үүсгэн байгуулагчдын хурлын шийдвэрээр 2022 оны 3-р сарын 31-нд үүсгэн байгуулагдсан.
- Үүсгэн байгуулагч Бяхарсүрэнгийн Мөнхтуг(ЛЛ 83040772)-ийг гүйцэтгэх захирал-аар томилов.
- Үүсгэн байгуулагч
Д/Д | Овог нэр |
1 | Бяхарсүрэнгийн Мөнхтуг |
2
|
Гэрэлчулууны Энхтөгс |
3
|
Сийзхүүгийн Насантулга |
4
|
Цэнд-Аюушийн Даваадорж |
5
|
Цэндсүрэнгийн Дөлгөөн |
Хоёр: Үнэт зүйл, үйл ажиллагааны зарчим, үндсэн чиглэл
- Танхим нь Эрхэм зорилго, Алсын хараа, Үйл ажиллагааны үндсэн чиглэлийг мөрдөн ажиллана.
Эрхэм зорилго:
Монгол-Японы хооронд бизнесийн харилцааг хөгжүүлэх, хөрөнгө оруулалтын боломжийг сайжруулах замаар гишүүн байгууллагуудын үйл ажиллагаа болон хүний нөөцийн хөгжлийг дэмжих.
Алсын хараа:
Монгол-Япон хоёр орны хувийн хэвшил, бизнесийн харилцааг өргөжүүлэх, гишүүн байгууллагуудын хөгжлийг дэмжих замаар Монгол улсын эдийн засгийн хөгжилд бодитой хувь нэмэр оруулах.
- Зорилго:
- Бизнес эрхлэгчдийн харилцааг дэмжих замаар Монгол, Япон улсын хоорондох эдийн засаг, аж үйлдвэр, худалдааны харилцааны хөгжилд хувь нэмэр оруулах,
- Японы аж ахуйн нэгжүүдийн үйл ажиллагааг Монгол улсад, Монголын аж ахуйн нэгжүүдийн үйл ажиллагааг Япон улсад дэмжих, ялангуяа тэдний үйл ажиллагаанд тодорхой дэмжлэг үзүүлэх холбоо харилцаа, сувгийг ашиглах, тухайлбал, гадаад дахь Японы Худалдаа, аж үйлдвэрийн танхимуудын холбоо, Японы Худалдаа, аж үйлдвэрийн танхим болон Японы төр засгийн холбогдох байгууллагууд, жижиг дунд бизнесийг дэмжих чиглэлийн холбогдох байгууллагатай холбоотой ажиллах,
- Эдийн засгийн талаарх санал санаачлага, мэдээ мэдээлэл солилцох ажлыг хурал, зөвлөгөөн болон хэвлэн нийтлэх бүхий л замаар дэмжин хөгжүүлэх, бизнес үзэсгэлэн худалдаа зохион байгуулах,
- Япон улсыг Монголд, Монгол улсыг Японд сурталчлах,
- Японы худалдаа эрхлэгч, худалдаа, үйлдвэрлэл, технологи, үйлчилгээ зэрэг бизнесийн бүхий л чиглэлээр үйл ажиллагаа явуулдаг аж ахуй нэгжүүд Монголын зах зээлд орж ажиллахад зөвлөх, дэмжих, тус зах зээл дээрх тэдний ашиг сонирхлыг дэмжих зорилгоор Монголын төр засгийн болон холбогдох эрх бүхий байгууллагуудтай холбогдон ажиллахад шаардлагатай дэмжлэгийг үзүүлэх;
- Монголын худалдаа эрхлэгч, худалдаа, үйлдвэрлэл, технологи, үйлчилгээ зэрэг бизнесийн бүхий чиглэлээр үйл ажиллагаа явуулдаг аж ахуй нэгжүүд Японы зах зээлд гарч ажиллахад зөвлөх, дэмжих, тус зах зээл дээрх тэдний ашиг сонирхлыг дэмжих зорилгоор Японы төр засгийн болон холбогдох эрх бүхий байгууллагуудтай холбогдон ажиллахад шаардлагатай дэмжлэгийг үзүүлэх;
Үйл ажиллагааны үндсэн чиглэл
- Монгол Улс дахь Японы хөрөнгө оруулалтыг дэмжих,
- Япон, Монгол бизнес эрхлэгчдийг илүү ойртуулах, хамтын ажиллагааг дэмжих
- Монгол улсын Засгийн газар болон Японы бизнес эрхлэгчдийн хооронд гүүр болох, хөгжлийн төслүүдэд Япон компаниудын оролцоог бий болгох тал дээр дэмжиж ажиллах
- Гишүүн компаниудын хүний нөөцийн хөгжлийг дэмжих
ХОЁРДУГААР БҮЛЭГ
Гишүүнчлэл
Гурав: Гишүүнчлэл, түүний эрх зүйн байдал, эрх үүргийн харилцаа
- Танхим нь дараах гишүүнчлэлтэй байна:
- Байгууллагын гишүүн;
- Байгууллагын бус гишүүн;
- Хүндэт гишүүн.
- Дараах байгууллагууд байгууллагын гишүүнээр элсэж болно. Үүнд:
- Япон улсад байнгын бүртгэлтэй бөгөөд Монгол улсад үйл ажиллагаа явуулдаг эсвэл ирээдүйд Монголд үйл ажиллагаа явуулах сонирхолтой улсын болон хувийн аж ахуйн нэгж, хамтарсан аж ахуйн нэгж, нэг гишүүнтэй аж ахуйн нэгж, нийгэмлэг буюу олон нийтийн байгууллага болон бусад байгууллага.
- Монгол улсад байнгын бүртгэлтэй улсын болон хувийн аж ахуйн нэгж, хамтарсан аж ахуйн нэгж, нэг гишүүнтэй аж ахуйн нэгж, нийгэмлэг буюу олон нийтийн байгууллага болон бусад байгууллага ингэхдээ тухайн аж ахуйн нэгжийн:
- Тодорхой буюу мэдэгдэхүйц хэсгийг шууд болон шууд бусаар Японы тал эзэмшиж байгаа болон эсвэл;
- Компанийг Япон улсын иргэн удирдаж байгаа бөгөөд бизнесийн үйл ажиллагааных нь томоохон хэсэг нь Япон улстай хийгддэг болон эсвэл;
- Япон улсад бизнесийн үйл ажиллагаа эрхэлдэг эсхүл эрхлэх хүсэлтэй болон эсвэл;
- Япон улстай болон японы аж ахуйн нэгжтэй эдийн засаг, үйлдвэрлэл, худалдаа, үйлчилгээний харилцаа хөгжүүлэх хүсэлтэй.
- Монгол, Япон улсын алинд нь ч бүртгэлгүй боловч тус танхимын гишүүнээр элсэх хүсэлтэй аль нэгэн улсын болон хувийн аж ахуйн нэгж, хамтарсан аж ахуйн нэгж, нэг гишүүнтэй аж ахуйн нэгж, нийгэмлэг буюу олон нийтийн байгууллага болон бусад байгууллага, эсхүл тухайн байгууллагын:
- Тодорхой буюу мэдэгдэхүйц хэсэгт Япон улсын ашиг сонирхол орсон эсвэл,
- Монголд үйл ажиллагаа явуулж байгаа эсвэл хөгжүүлэх хүсэлтэй.
- Байгууллагын бус гишүүнээр элсэж болно. Үүнд :
- Япон, Монгол улсын хооронд эдийн засаг, үйлдвэрлэл, худалдааны харилцаа хөгжүүлэх чин хүсэлтэй Япон, Монгол улсын иргэн хувь хүн байна.
- Монгол улсад суралцаж, ажиллаж байсан, байгаа Япон улсын иргэн
- Япон улсад суралцаж, ажиллаж байсан, байгаа Монгол улсын иргэн
- ТББ болон холбоо, найрамдлын нийгэмлэгүүд
- Танхимын үйл ажиллагаанд чухал хувь нэмэр оруулсан буюу оруулж чадах хувь хүн, хуулийн этгээдийг иргэншил үл харгалзан УЗ-ийн гишүүд санал нэгтэйгээр нэрийг нь дэмжиж, танхимын бүх гишүүдийн дийлэнх олонхын саналаар тус танхимын “Хүндэт гишүүн”-ээр сонгож болно.
- Дараах албан тушаалтан Хүндэт гишүүн байна. Үүнд:
- Япон Улсаас Монгол Улсад суугаа онц бөгөөд бүрэн эрхт элчин сайд;
- Монгол Улсын Гадаад харилцааны яамны төлөөлөгч.
Гишүүнээр элсэх:
- Гишүүнээр элсэгч энэхүү дүрмийг хүлээн зөвшөөрсөн тухай бичгээр хүсэлт гаргаж, гишүүнчлэлийн татвараа танхимаас тогтоосон хэлбэрээр, хугацаанд нь төлөх үүрэг хүлээнэ.
- Тухайн хүсэлт гаргагчийг элсүүлэх, эсвэл татгалзах асуудлыг ТУЗ-ийн гишүүдийн буюу тэднийг төлөөлсөн хүмүүсийн энгийн олонх буюу 50%+1 саналаар шийдвэрлэнэ.
- Шинээр элссэн гишүүн гишүүнчлэлийн татвараа төлснөөр танхимын бүртгэлийн жагсаалтад орно. Бүртгэлийн жагсаалтыг гүйцэтгэх удирдлагын баг хариуцан хөтлөх бөгөөд аливаа гишүүн тусгайлан хүсэлт гаргаснаар жагсаалттай танилцаж болно.
- Гишүүний эрх
- Танхимын бүх гишүүдийн хуралд адил тэгш эрхтэй оролцож, хурлаар хэлэлцэх аливаа асуудалд урьдчилсан өөрийн саналыг хүргүүлэх, дэвшүүлэх
- Танхимын бүх гишүүдийн хурлын үеэр хэлэцэж байгаа асуудалд санал өгөх, татгалзах,
- Танхимын УЗ-ийн болон Ерөнхийлөгчийн сонгуульд нэрээ дэвшүүлэх, сонгогдох, сонгох,
- Аливаа үйл ажиллагаанд өөрийн(байгууллагынхаа) сайн дурын үндсэн дээр оролцоно,
- Танхимын зохион байгуулах үйл ажиллагаанд санал гаргах, зөвлөмж хүргүүлэх,
Гишүүний үүрэг
- Танхимын эрхэм зорилго, алсын хараа, үйл ажиллагааны зорилго, чиглэлийг хүлээн зөвшөөрч, байгууллагын дүрэм, журам, эрх бүхий этгээдийн гаргасан шийдвэрийг сахин биелүүлэх,
- Танхимын нэр хүндийг өндөрт авч явах, аливаа танхимын нэр хүндэд халтай үйлдэл гаргахгүй байх,
- Гишүүнчлэлийн татвараа танхимаас заасан хугацаанд төлөх,
- Танхимын зохион байгуулж байгаа үйл ажиллагааг дэмжин оролцох,
Танхимын гишүүнээс хасах: Танхимын гишүүнээс дараах үндэслэлээр хасна. Үүнд:
- Өөрийн хүсэлтээр;
- Нас барсан, бизнесийн үйл ажиллагаагаа зогсоосон;
- Танхимын гишүүний татвараа хугацаанд нь төлөөгүй бөгөөд танхимаас татвараа төлөхийг 2 удаа бичгээр сануулсан ч төлбөр хийгдээгүй тохиолдолд,
- Танхимын нэр төр, ашиг сонирхолд харшилсан үйлдэл гаргасан, үл хүндэтгэх байдал гаргасан зэрэг ноцтой зөрчил гаргасан бөгөөд тэдгээр нь нотлогдсон тохиолдолд танхимын зүгээс хүссэний дагуу тайлбараа гаргаж, гишүүнчлэлээс хасагдана.
ГУРАВДУГААР БҮЛЭГ
Санхүүжилт
Дөрөв. Санхүүжилт
- Танхимын санхүүжилт нь дараах эх үүсвэрээс бүрдэнэ. Үүнд:
- Гишүүний татвар,
- Гишүүдийн хандив,
- Гадаад, дотоодын иргэд, байгууллагын өргөсөн хандив,
- Дүрмийн зорилгод нийцсэн үйл ажиллагаанаас олсон орлого,
- Зээлийн, өвийн, төсөл хэрэгжүүлэх зорилгоор улсын төсвөөс болон Олон Улсын байгууллагаас олгосон хөрөнгө.
- УЗ шаардлагатай гэж үзвэл танхимын зарим үйлчилгээг, үйл ажиллагааг төлбөртэй явуулахыг зөвшөөрнө. Тухайн үйл ажиллагаанаас хамаарч төлбөрийн хэмжээг тогтооно.
Татвар
- Танхимын байгууллагын гишүүд, байгууллагын бус гишүүд нь жил бүр татвар төлнө.
- УЗ-өөс санал оруулснаар Бүх гишүүдийн хурлаар хэлэлцүүлж, санал хурааж гишүүнчлэлийн ангиллаар татварын хэмжээг тогтоно.
- Хүндэт гишүүн татвараас чөлөөлөгдөнө.
- Татварыг жил бүрийн 1 дүгээр сарын 1-нээс эхлэн тооцно. Гишүүд татварыг жил бүрийн эхний 45 /дөчин тав/ хоногийн дотор төлнө.
- Тухайн жилийн эхний хагаст шинээр элссэн гишүүн татварыг бүтэн төлнө.
- Тухайн жилийн хоёрдугаар хагаст гишүүнээр элссэн бол татварын тал хэсгийг төлнө.
- Хугацаандаа татвараа төлөөгүй гишүүн энэхүү Дүрмийн 3.11. дугаар зүйлд заасан дагуу гишүүнээс хасагдах бөгөөд гишүүний бүрэн эрхээ хэрэгжүүлэх боломжгүй болно.
ДӨРӨВДҮГЭЭР БҮЛЭГ
Бүтэн, зохион байгуулалт
Тав.Танхимын бүтэц
- Бүх гишүүдийн хурал. Бүх гишүүдийн хурал нь танхимын эрх барих дээд байгуулага байна.
- Удирдах зөвлөл: Бүх гишүүдийн хурлын чөлөөт цагт Удирдах зөвлөл нь танхимын үйл ажиллагааг удирдан зохион байгуулна.
- Гүйцэтгэх удирдлагын баг (цаашид “Менежментийн баг” гэх): Менежментийн баг нь удирдах зөвлөлөөс томилогдсон гүйцэтгэх захирлын удирдлагаар танхимы өдөр тутмын үйл ажиллагааг хариуцан ажиллаж, дүрмийн болон үйл ажиллагааны чиглэлийн дагуу ажиллана.
- Танхим нь удирдах зөвлөлийн гишүүдийн ахалсан ажлын хэсэг, хороотой байна. Тус хороо нь менемжентийн багтай уялдан ажиллаж, танхимын үйл ажиллагааны чиглэлд нийцсэн аливаа ажлыг гүйцэтгэнэ.
Зургаа. Бүх гишүүдийн хурал
- Бүх гишүүдийн хурал нь энэхүү дүрмийн 3 дугээр зүйлд заагдсан гишүүд хурал зарлах өдөр танхимын бүртгэлд бүртгэгдсэн, татвараа бүрэн төлсөн гишүүд оролцоно.
- Танхимын бүх гишүүдийн хурал танхимын Ерөнхийлөгчийн зарласнаар жил бүрийн 3 дугаар сарын 31-ний дотор нэгээс доошгүй удаа хуралдана.
- Бүх гишүүдийн хурлыг танхимын Ерөнхийлөгч даргалан хуралдуулна.
- Бүх гишүүдийн хуралд Ерөнхийлөгч хүндэтгэх шалтгаанаар оролцох боломжгүй тохиолдолд Удирдах зөвлөлийн гишүүд дундаас хамгийн ахмад настай нь даргалан хуралдуулах, эсхүл Удирдах зөвлөлөөс нэр дэвшүүлж, бүх гишүүдээс хурал даргалагчийг сонгох,
- Бүх гишүүдийн хурал ээлжит бусаар хуралдаж болно. Шаардлагатай тохиолдолд танхимын Ерөнхийлөгч, эсхүл 15-аас доошгүй гишүүд Удирдах зөвлөлд бичгээр гаргасан хүсэлтийг үндэслэн дүрмэнд заасны дагуу бүх гишүүдийн ээлжит бус хурлыг зарлан хуралдуулж болно.
- Бүх гишүүдийн ээлжилт бус хурлаар гарах шийдвэр нь бүх гишүүдийн ээлжит хурлын шийдвэртэй адил байна.
Долоо. Бүх гишүүдийн хурлыг зарлан хуралдуулах ба хэлэлцэх асуудал
- УЗ-өөс санал болгосон хурлын зарыг хэлэлцэх асуудлын хамт Ерөнхийлөгч эсхүл менежментийн баг хурал болохоос 1 /нэг/ сараас доошгүй хугацаанд хүргүүлсэн байна.
- Танхимын аливаа гишүүн бүх гишүүдийн хурал болох өдрөөс 15 хоногийн өмнө цахим шуудангаар хэлэлцэх асуудлын төсөлд нэмэлт оруулах буюу тодруулга хүсэж болно.
- Урьдчилан хүргүүлж тогтсон хэлэлцэх асуудлыг дарааллын дагуу бүх гишүүдийн хурлаар хэлэлцэж, шийдвэр гаргана
- Хэрэв хуралд оролцож байгаа гишүүдийн дийлэнх олонхын санал гаргавал хэлэлцэх асуудалд нэмэлт оруулж болно.
- Танхимын гишүүд бүх гишүүдийн хурал зарласан өдрөөс хурал болох өдөр хүртэлх хугацаанд Менежментийн баг дээр ирж тухайн жилийн санхүүгийн тайлан, баримттай танилцах эрхтэй.
- Бүх гишүүдийн хурлаар үйл ажиллагааны болон санхүүгийн тайлан, баримтыг танилцуулна.
Найм. Шийдвэр гаргах
- Дор дурдсан асуудлыг бүх гишүүдийн хурлаар хэлэлцэж, шийдвэрлэнэ. Үүнд:
- Дүрэмд нэмэлт өөрчлөлт оруулах, шинэчлэн батлах
- Танхимын хөгжлийн бодлого, хэтийн төлөвийг хэлэлцэх, шаардлагатай бол стратеги, эрхэм зорилго, алсын хараагаа өөрчлөх, шинэчлэх
- УЗ-ийн гишүүдийг сонгох сонгууль явуулах, бүрэн эрхийг баталгаажуулах;
- Хүндэт гишүүнийг батламжлах;
- Танхимын үйл ажиллагааны болон санхүүгийн тайлантай танилцаж, хүлээн авах
- Төсвийн төслийг хэлэлцэж батлах;
- Гишүүний татварын хэмжээг тогтож батлах;
- Танхимын үйл ажиллагаатай холбоотой чиглэл, удирдамжийг УЗ-д гаргаж өгөх;
- УЗ болон гишүүдээс санал болгосон асуудлыг хэлэлцэх;
- Гишүүнчлэлээс хасах эсэх асуудлыг хэлэлцэж, шийдвэрлэх,
- Танхимыг татан буулгах болон үлдэгдэл хөрөнгийг хуваарилах, шилжүүлэх асуудлыг шийдвэрлэх;
- Бүх гишүүдийн хурлаар хэлэлцүүлэхээр Удирдах зөвлөлөөс оруулсан бусад асуудал;
- Бүх гишүүдийн хурлаар хэлэлцсэн асуудлаар тогтоол гаргана,
- Бүх гишүүдийн хурал нь гишүүд/тэдгээрийн төлөөлөл/-ийн 50%+1(нэг) ирцтэйгээр хүчинтэй байна.
- Хэрэв хурлын ирц хангалтгүй бол хурлыг хамгийн багадаа 3, хамгийн ихдээ 15 хоногийн дотор дахин зарлан хуралдуулна. Хурлыг дахин зарлан хуралдуулах тохиолдолд ирсэн гишүүдийн тоог харгалзахгүйгээр хурал хүчин төгөлдөр болно.
- Хуралд ирсэн болон төлөөлсөн гишүүдийн энгийн олонхын саналаар шийдвэр гаргана.
- Бүх гишүүдийн хурлын аливаа шийдвэр дээрх санал хураалт гар өргөх зарчмаар явагдах ба дараах тохиолдолд нууц санал хураалт явагдана.
- Гишүүн горимын санал гаргаж, тэр нь гишүүдийн олонхын дэмжлэг авсан бол;
- Ерөнхийлөгч болон УЗ-ийн гишүүнийг сонгох сонгууль;.
Санал өгөх эрх ба төлөөлөх
- Бүх гишүүдийн хуралд танхимын бүх гишүүд оролцоно.
- Татвараа төлсөн гишүүн бүр саналын нэг эрхтэйгээр санал хураалтанд оролцоно.
- Бүх гишүүдийн хуралд оролцох боломжгүй гишүүнийг зөвхөн өөр нэг гишүүн төлөөлнө.
- Байгууллагын гишүүнийг бүх гишүүдийн хуралд зөвхөн тус гишүүн байгууллагын захирал эсвэл эрх бүхий төлөөлөгч төлөөлөн оролцоно.
Ес. Удирдах зөвлөл
- Удирдах зөвлөл нь бүх гишүүдийн хурлын чөлөөт цагт танхимын үйл ажиллагааг удирдан зохион байгуулна.
- Удирдах зөвлөл нь бүх гишүүдийн хурлаас сонгогдох бөгөөд 13 гишүүнээс бүрдэнэ.
- УЗ-ийн гишүүний бүрэн эрх 2 жил байх бөгөөд бүх гишүүдийн хурлаас бүрэн эрх нь хэрэгжиж, 2 жилийн дараа болох бүх гишүүдийн хурлаар бүрэн эрх дуусгавар болно.
- Удирдах зөвлөлийг бүх гишүүдийн хуралд оролцогч гишүүдийн нууц санал хураалтаар сонгоно.
- Удирдах зөвлөл нь дараах бүрэлдэхүүнтэй байна. Үүнд:
- УЗ-ийн гишүүдийн 5 хүртэлх гишүүн нь Япон улсын иргэн буюу байгууллагын бус гишүүн, эсхүл байгууллагын бус гишүүн,
- УЗ-ийн гишүүдийн 9.5.1-д зааснаас бусад гишүүд нь Монгол улсад бүртгэлтэй байгууллагын гишүүн, эсхүл байгууллагын бус гишүүн,
- Тус танхим нь үүсгэн байгуулагдсан зорилго, үйл ажиллагааны чиглэлээ барьж үйл ажиллагааны тогтвортой байдлыг хангаж ажиллах үүднээс үүсгэн байгуулсан гишүүд УЗ-д багадаа хоёроос доошгүй бүрэн эрхийн хугацаанд ажиллана.
- Удирдах зөвлөлд нэр дэвшигч нь бүх гишүүдийн хурал болохоос 8 хоногийн өмнө Танхимын менежментийн баг буюу нарийн бичгийн даргад ирүүлсэн сонгуулийн нэр дэвшигчийн анкетийг бөглөж, холбогдох бичиг баримтын хамт ирүүлсэн байна.
- Хугацаандаа ирсэн материалыг үндэслэн удирдах зөвлөлийн гишүүнд нэр дэвшигчээр бүртгэнэ.
- Удирдах зөвлөлийн гишүүнийг бүх гишүүдийн хурал дээр нийт гишүүдийн дунд санал хураалт явуулж, энгийн олонх буюу 50%+1 саналаар сонгоно.
- ТББ-ын тухай хуульд дагуу УЗ-ийн гишүүд сонгуульт үүргээ гүйцэтгэсний төлөө цалин хөлс авахгүй.
- УЗ-ийн гишүүн нь танхимын үйл ажиллагааг хэрэгжүүлэх үүднээс аль нэг ажлын хэсэг, хороог удирдан чиглүүлж ажиллана.
Арав. УЗ-ийн үйл ажиллагаа
- УЗ нь БГХ-ын завсарлагаанаар танхимын удирдлага зохион байгуулалт, үйл ажиллагаатай холбоотой бүхий л асуудлаар шийдвэр гаргах, танхимын стратегийн чиглэлээр санал, бодол, эргэцүүлэл боловсруулах үндсэн бүтэц байна.
- УЗ нь танхимын үйл ажиллагааг гүйцэтгэх удирдлагын багаар дамжуулан хянан чиглүүлнэ. УЗ нь дараах чиг үүргийг хэрэгжүүлнэ. Үүнд:
- Гүйцэтгэх удирдлагын баг болон санхүүгийн ажилтны боловсруулсан үйл ажиллагааны төлөвлөгөө, төсөв, сахүүгийн жилийн тайланг БГХ-ын хурлаар эцэслэн батлуулахын өмнө хэлэлцэн батлах,
- Хянан батлаад байсан ч Ерөнхийлөгч болон гүйцэтгэх удирдлагын багийн зүгээс мэдэгдэхүйц байдлаар нэмэлт оруулах үйл ажиллагааны төлөвлөгөө, төсөв, санхүүгийн жилийн тайланг хэлэлцэж, батлах,
- Энэхүү Дүрмийн 3-р зүйлээр МЯХТ-д олгосон ажил үүргийг хэрэгжүүлэхэд бүхий л санал санаачлагыг гаргаж, дэмжлэг үзүүлэх;
- Танхимд ажилтан авах хөдөлмөрийн дотоод журам, гүйцэтгэх удирдлагын багаас санал болгосноор зарлага гаргах журмыг батлах;
- Шаардлагатай үед танхимын төсвийн тэнцвэрт байдалд нөлөө үзүүлэхгүй тусгайлсан шинэ арга хэмжээ зохион байгуулах саналыг Ерөнхийлөгч, гүйцэтгэх удирдлагад гаргах;
- Шаардлагатай үед шүүхэд хандах асуудлаар Ерөнхийлөгчид хүсэлт гаргах;
Арван нэг: УЗ-ийн хурал
- УЗ улиралд 1 (нэг)-ээс цөөнгүй удаа хуралдана. Ерөнхийлөгч, УЗ-ийн гишүүдийн гуравны нэгийн саналаар УЗ-ийн хурлыг шаардлагатай тохиолдолд зарлан хуралдуулна.
- Хурал бүрт тэмдэглэл хөтөлнө. Бичгээр хийгдсэн хурлын тэмдэглэл протоколд Ерөнхийлөгч, нарийн бичгийн дарга гарын үсэг зурж, УЗ-ийн дараагийн хуралд танилцуулан баталгаажуулна.
- Шийдвэрүүд
- УЗ-ийн арван гурван (13) гишүүний долоо (7) нь биеэр буюу өөрийн төлөөллөөр дамжуулан оролцсон хурлаар гаргасан шийдвэр нь хүчин төгөлдөр болно.
- Хүндэтгэх шалтгаангүйгээр УЗ-ийн хурлыг гурван удаа тасласан гишүүнийг хасагдсанд тооцох бөгөөд орон тоо нь чөлөөтэй болно.
- УЗ-ийн гишүүд эсвэл тэдний төлөөлөгчдийн олонхын саналаар шийдвэр хүчин төгөлдөр болно. Санал тэнцсэн тохиолдолд Ерөнхийлөгчийн санал давуу эрхтэй байна.
- Удирдах Зөвлөлөөс шаардлагатай гэж үзвэл чөлөөлөгдсөн, нас барсан гишүүний оронд нөхөн сонгууль явуулж, жинхэнэ гишүүдээсээ сонгон ажиллуулж болно. Нөхөн сонгуулийг УЗ-ийн сонгууль явуулах тухай энэ дүрмийн заалтыг баримтлан явуулна.
- Нөхөн сонгогдсон УЗ-ийн гишүүний бүрэн эрх дараагийн ээлжит БГХ хүртэл хэрэгжинэ.
Арван хоёр. Гүйцэтгэх удирдлагын баг
Бүрэлдэхүүн
- УЗ гишүүдийнхээ дундах нууц санал хураалтаар дийлэнх олонхын саналаар багадаа 4 хүнийг сонгож гүйцэтгэх удирдлагын багийг байгуулна.
- Гүйцэтгэх захирал нь ба гүйцэтгэх удирдлагын баг буюу менежментийн багийг удирдаж, Удирдах зөвлөл, Ерөнхийлөгчөөс авсан чиглэл, танхимын дүрэмд заасан үйл ажиллагааны чиглэлийг ханган өдөр тутмын үйл ажиллагааг хариуцсан ажиллана. Үүнд :
- Гүйцэтгэх удирдлагын багийг ахлан өдөр тутмын үйл ажиллагааг хариуцна,
- Удирдах зөвлөл, Ерөнхийлөгчийн томилсноор Танхимын хууль ёсны төлөөлөгч байна,
- Дүрэм болон БГХ, УЗ-ийн шийдвэрийн дагуу гүйцэтгэл хийж, багаа ахлан ажиллана.
- Удирдах зөвлөлийн хуралд танхимын гүйцэтгэх удирдлагын багаа төлөөлөн өдөр тутмын үйл ажиллагааны тайлан тавьж, санхүү, төслийн зарцуулалтын эрх хэмжээг тодорхойлуулж авна,
- Жилийн үйл ажиллагааны төлөвлөгөөг багийн хамт гаргаж, хариуцан ажиллана,
- Нарийн бичгийн дарга нь
- Удирдах зөвлөлийн хуралд хурлын тэмдэглэл хөтөлж, гарын үсэг зурах үүрэгтэй байна.
- Өдөр тутмын үйл ажиллагаанд гүйцэтгэх удирдлагын багийг холбох, төлөөлөх байдлаар танхимын үйл ажиллагааг хариуцна,
- Санхүүгийн ажилтан /нягтлан/ дараах ажил үүрэг гүйцэтгэнэ. Үүнд :
- УЗ, БГХ хурлын бэлтгэл ажыг хангахад санхүүгийн холбоотой бичиг баримтыг хянан боловсруулах,
- Танхимын гүйцэтгэх захиралд санхүү, захиргааны удирдлагын талаар зөвлөх,
- БГХ-аар батлуулах санхүүгийн тайлан боловсруулж, танилцуулах,
- Өдөр тутмын санхүүгийн бүртгэл тооцоог хариуцан тус тус ажиллана,
- Ерөнхийлөгч санал болгож гүйцэтгэх удирдлагын баг шаардлагатай гэж үзсэн зарим эрх, үүргийг Удирдах зөвлөлийн нэгээс /1/ гурван /3/ гишүүнд даалган хорооны зарчмаар гүйцэтгүүлж болно.
- Чиг үүрэг
- Гүйцэтгэх удирдлага нь УЗ-ийн хурлын бэлтгэл ажилд Ерөнхийлөгчид дэмжлэг үзүүлэн ажиллана.
- Гүйцэтгэх удирдлагын баг нь дараах чиг үүргийг хэрэгжүүлнэ. Үүнд:
- Удирдах Зөвлөлөөс батлах танхимын төсвийн төслийг санхүүгийн ажилтантай хамтран боловсруулна,
- УЗ-ийн шийдвэрийн хэрэгжилтэд Дүрэмд заасанчлан хяналт тавина,
- МЯХТ-ын Захиралд үйл ажиллагааны чиглэл өгнө.
- МЯХТ-ыг төлөөлөх эрх зөвхөн Гүйцэтгэх удирдлагын байх бөгөөд МЯХТ-ын өмнөөс хуулийн хүрээнд ажиллах бүрэн эрх, үүрэгтэй байна
Хурал
- Гүйцэтгэх удирдлагын баг нь шаардлага гарсан тохиолдол бүрт хуралдана. Гүйцэтгэх удирдлагын багийн хурлыг Ерөнхийлөгч эсвэл гишүүдийн 50 хувь нь хүсэлт гаргаснаар зохион байгуулна.
Шийдвэрүүд
- Гүйцэтгэх удирдлагын багийн гишүүдийн дийлэнх оролцсон тохиолдолд хурлын шийдвэрүүд хүчин төгөлдөр байна,
- Товчооны шийдвэрүүдийг оролцсон гишүүдийн дийлэнхийн саналаар гаргана.
- Санал тэнцсэн тохиолдолд Ерөнхийлөгчийн санал давуу эрхтэй байна.
Арвангурав. Захирал ба ажилтнууд
13.1 МЯХТ-ын өдөр тутмын удирдлага, үйл ажиллагааг УЗ-ийн томилсон япон хэлтэй Захирал хэрэгжүүлнэ. Захирал нь УЗ-ийн гишүүн байж болно.
Хэрэв захирал нь удирдах зөвлөлийн гишүүн бус хүн томилогдсон бол УЗ-ийг хуралд оролцож, үйл ажиллагаагаа тайлагнах бөгөөд саналын эрхгүй.
13.2 Захирал нь МЯХТ-ын үйл ажиллагааны талаар Ерөнхийлөгч болон УЗ-д мэдээлж байх бөгөөд Ерөнхийлөгчийн удирдлага, хяналт, УЗ-ийн хяналт доор ажиллана.
13.3 УЗ нь танхимын хөдөлмөрийн дотоод журам, үйл ажиллагааны бүрэн эрхийн хүрээнд Захирал болон бусад ажилтныг нээлттэй сонгон шалгаруулж, ажилд авна.
13.4 МЯХТ-ын Захирал болон бусад ажилтнуудын ажил үүргийг тэдэнтэй байгуулсан хөдөлмөрийн гэрээгээр тодорхойлно. Захирал нь ямар ч тохиолдолд төрийн эрх бүхий байгууллага, албан тушаалтанд үйл ажиллагааны болон санхүүгийн тайланг гаргаж өгөх үүрэгтэй.
ТАВДУГААР БҮЛЭГ
Дүрмийн өөрчлөлт
Арвандөрөв. Дүрмийн өөрчлөлт
- Танхимын дүрмийг бүх гишүүдийн ээлжит болон ээлжит бус хурлаар шинэчлэх, нэмэлт өөрлөлт оруулах боломжтой.
- Дүрмийн шинэчлэлт, өөрчлөлтийг батлахдаа танхимын тухайн жилийн татвараа хугацаанд нь төлсөн гишүүдийн дийлэнх олонх буюу гуравны хоёр хувийн оролцоотойгоор хурлыг хүчинтэйд тооцох бөгөөд гишүүд өөрөө эсхүл төлөөний хүнээ ирүүлсэн байна.
Арван тав. Танхимыг татан буулгах
- Энэхүү Дүрмийн 14-р зүйлд заасан нөхцлийн дагуу танхимыг зөвхөн Бүх гишүүдийн ээлжит бус хурлын шийдвэрээр татан буулгана.
- Танхимыг татан буулгахтай холбоотойгоор үүссэн эд хөрөнгийн харилцаа нь Монгол Улсын Төрийн бус байгууллагын тухай хуульд заасны дагуу Бүх гишүүдийн хурал, УЗ-ийн хамтарсан эрх мэдэлд хамаарна.
Арван зургаа. Мэдээлэл харилцаа
- Танхим, түүний УЗ болон гишүүдийн хоорондын харилцаа холбоог (мэдээ мэдээлэл хүргүүлэх, хурлын зар хүргүүлэх зэрэг) захидал, факс болон цахим шуудангийн хэлбэрээр хэрэгжүүлнэ. Энэхүү зүйл нь Дүрмийн бусад зүйлд ч хамаатай.
- Танхимд мэдээлэл хүргүүлэх ажлыг УЗ-ийн чиглэлийн дагуу менежментийн багаас гүйцэтгэх захирал, эсхүл нарийн бичгийн дарга нийт гишүүдэд хандан хүргүүлнэ.
Арван долоо. Дотоод журам
- УЗ-өөс дотоод журам боловсруулан мөрдөж болно. Энэхүү дотоод журмаар Дүрэмд тусгаагүй харилцааг зохицуулах бөгөөд гишүүд хүсэлт гаргаснаар хэдийд ч дотоод журамтай танилцах боломжтой байна.
- Менежментийн багийн өдөр тутмын үйл ажиллагааг зохицуулах дотоод журамтай байна.