Гишүүд

БЛҮ КЛОТИНГ СТУДИО нь 2016 онд байгуулагдсан, өдөр тутмын хувцасны Монгол брэнд юм. Тус компани нь өдөр тутам өмсөх боломжтой бүх төрлийн цамц, өмд, гадуур хувцас малгай, ороолт оймс зэрэг бүтээгдэхүүнүүдийг үйлдвэрлэн борлуулдаг. Нийт хэрэглэгчдийн 80 хувийг 18-30 насны хэрэглэгчид эзэлдэг ба Улаанбаатар хотод 3 салбар дэлгүүр, мөн онлайн дэлгүүрээр харилцагч, үйлчлүүлэгчиддээ бүтээгдэхүүнээ хүргэдэг бөгөөд 2024 оны 9-р сард БНХАУ-ын ӨМӨЗО, Хөх хотод салбар дэлгүүрээ нээж өвөрлөгч ахан дүүстээ өөрсдийн бүтээгдэхүүнээ санал болгож байна.

Тус брэндийн хувьд үндсэн буюу байнгын борлуулдаг, улирлын чанартай буюу цаг уурын байдалд тохируулан гаргадаг загварууд байдаг. Нэг жилд үндсэн 4 том коллекц (хавар, зун, намар, өвлийн) болон бусад баяр ёслолд зориулан жижиг коллекцууд танилцуулдаг байна.

Монголын харилцаа холбоо, мэдээллийн технологийн тэргүүлэгч Мобиком групп нь үүрэн холбоо, улс хоорондын холбоо, өндөр хурдны интернэт, цахим төлбөрийн шийдэл, сансрын холбоо, сүлжээний дэд бүтэц, дата төв, контент болон видео стрийминг үйлчилгээ, дижитал контент зэрэг харилцаа холбоо, мэдээлэл технологийн цогц үйлчилгээг хувь хүн болон албан байгууллагуудад үзүүлдэг компани юм.
Тэд дижитал хөгжлийг түүчээлэн IoT, AI, 5G технологийг Монголдоо амжилттай нутагшуулж байна.

Нью Валью Трэйвэл ХХК нь 2014 оноос эхлэн аялал жуулчлалын салбарт үйл ажиллагаагаа тогтвортой явуулж, мэргэжлийн чадварлаг хамт олон гадаад болон дотоодын жуулчид, аялагчдынхаа итгэлийг даасан, чанартай, стандартын дагуу аяллыг зохион байгуулж, гадаадын жуулчдад эх орон, түүх соёлоо сурталчлан таниулж, дотоодын жуулчидаа дэлхийн улс орноор аялуулж, дэлхий ертөнцтэй танилцах цонх, гүүр нь болсоор байна.

Тэд "Таны амьдралын дурсамж"-ийг бүтээж, амьдралын үнэ цэнийг бүтээхээр зорин ажилладаг.

Тус компани нь Япон улсын хөрөнгө оруулалтай компани бөгөөд Монгол улсад салбар компаниа байгуулан мэдээллийн технологийн салбарт төсөл хэрэгжүүлдэг компани болно.
Тус компани нь Япон улсын зах зээлд ая тухтай сүлжээ дэлгүүрт өөрсдийн хөгжүүлсэн системийг нийлүүлэх, Япон улсын зах зээлд хөдөлмөр зуучлалын систем хөгжүүлэлт, зуучлалын үйл ажиллагаа эрхэлдэг бөгөөд тухайн холбогдолтой төслүүд болон бусад хөгжүүлэлтийг Монгол дахь салбар компанитайгаа хамтран хэрэгжүүлдэг болно.

"Нью Саппоро" ХХК нь 2002 оноос Япон улсаас гоо сайхны барааны импорт, худалдаа эрхэлж байгаа бөгөөд Японы зах зээлд танигдсан төрөл бүрийн гоо сайхны барааг дотоодын хэрэглэгчдэд түгээн, өөрийн "BEAUTY JAPAN COSMETICS" нэрийн дэлгүүрийн сүлжээгээр Япон улсын 16 компанийн 1000 гаруй нэр төрлийн бүтээгдэхүүнийг хэрэглэгчдэдээ хүргэдэг билээ.
Тус компанийн хувьд салбартаа тэргүүлэгч төдийгүй ёс зүй, бизнесийн соёлыг түгээж, хэрэглэгчийн итгэл, хүндэтгэлийг хүлээсэн соёлтой үйлчилгээг түгээхээр зорин ажиллаж, Азийн тэргүүлэгч гүрэн Японы бизнес соёл, этикээс суралцан, хэрэглэгч төвтэйгөөр, хамгийн аз жаргалтайгаар бүтээгдэхүүнээ танд санал болгодог билээ.

J.TEST Япон хэлний бодит мэдлэгийн шалгалт нь Гадаад хүний Япон хэлний мэдлэгийг бүх төрлөөр тогтоож өгөх зорилготойгоор 1991 оноос хэрэгжиж эхэлсэн. Улмаар Япон хэлний харилцан ярианы ур чадварыг нэгдсэн байдлаар тогтоох бодит тест хэмээн үнэлэгддэг болсон. Монгол улсад 2009 оны 3 сараас тус шалгалтыг өгөх боломжтой болсон бөгөөд өдгөө жилд 6 удаа сондгой саруудад зохион байгуулагддаг юм.
Өнөөгийн байдлаар Япон, Монгол, Хятад, Тайван, Тайланд, Солонгос, Вьетнам, Индонез, Непал зэрэг орнуудад тогтмол зохион байгуулагддаг, Япон хэлний мэдлэгийн түвшин тогтоох албан ёсны шалгалт болон хэрэгждэг.
Жилд компанийн ажилтан, Японд суралцагчид, Япон хэлний сургуулиудын оюутнууд, Японруу мэргэжлээрээ болон гэрээгээр ажиллахаар явах зорилготой 70,000 гаруй хүн тус шалгалтыг өгдөг.